ഈ ​ക​യ​റ്റം തു​ട​ർ​ന്നാ​ൽ ഒ​രു കി​ലോ തെ​ങ്ങാ​യ്ക്ക് നൂ​റു രൂ​പ​യും വെ​ളി​ച്ചെ​ണ്ണ​യ്ക്ക് അ​ഞ്ഞൂ​റും എ​ത്തി​യേ​ക്കു​മെ​ന്നാ​ണ് ക​ണ​ക്കു​കൂ​ട്ട​ൽ. നി​ല​വി​ൽ തേ​ങ്ങാ​യ്ക്ക് ചി​ല്ല​റ വി​ല 80 രൂ​പ ക​ട​ന്നു. വെ​ളി​ച്ചെ​ണ്ണ 400 രൂ​പ​യി​ലേ​ക്ക് അ​ടു​ത്തു.

തേ​ങ്ങാ​വി​ല അ​ൻ​പ​തു രൂ​പ​യി​ൽ താ​ഴാ​ൻ യാ​തൊ​രു സാ​ധ്യ​ത​യു​മി​ല്ലെ​ന്നാ​ണ് നി​ഗ​മ​നം. കേ​ര​ള​ത്തി​ൽ തെ​ങ്ങും തേ​ങ്ങ​യും കു​റ​ഞ്ഞ​തോ​ടെ ഡി​മാ​ൻ​ഡ് വ​ർ​ധി​ച്ചു എ​ന്ന​താ​ണ് വി​ല ക​യാ​റാ​ൻ കാ​ര​ണം. ​ക​റി ഒ​ന്നു​മി​ല്ലെ​ങ്കി​ൽ ഒ​രു തേ​ങ്ങാ ച​മ്മ​ന്തി അ​ര​യ്ക്കാം എ​ന്ന പ​തി​വു പ​റ​ച്ചി​ൽ ഇ​നി​യു​ണ്ടാ​വി​ല്ല.

തേ​ങ്ങാ ചു​ര​ണ്ടി ച​മ്മ​ന്തി അ​ര​യ്ക്കാ​ൻ ചെ​ല​വേ​റി. ഇ​ഡ്ഡ​ലി​ക്കും ദോ​ശ​യ്ക്കും ഒ​പ്പം ഒ​ഴി​ച്ചി​രു​ന്ന ച​ട്നി ഇ​നി പി​ടി​ച്ചു വി​ള​മ്പേണ്ടി വ​രും. കാ​ലാ​വ​സ്ഥാ വ്യ​തി​യാ​ന​വും ചെ​ള്ളും വ​ണ്ടും മ​ണ്ട​രി​യു​മൊ​ക്കെ​യാ​യി തെ​ങ്ങി​ന്‍റെ മ​ണ്ട​യും ചു​വ​ടും ത​ക​ർ​ന്നാ​ണ് തെ​ങ്ങു​കൃ​ഷി സം​സ്ഥാ​ന​ത്ത് വ​ല്ലാ​തെ ചു​രു​ങ്ങി​യ​ത്.

തെ​ങ്ങ് ക​യ​റ്റ​ക്കൂ​ലി നൂ​റു രൂ​പ​യും ക​ട​ന്ന​തോ​ടെ ക​ർ​ഷ​ക​ർ തോ​ട്ടം അ​ട​ച്ച് ക​രി​ക്കു​കാ​ർ​ക്ക് പാ​ട്ട​ത്തി​നു കൊ​ടു​ക്കു​ന്ന പ്ര​വ​ണ​ത​യു​മേ​റി. കേ​ര​ള​ത്തി​ൽ കോ​ഴി​ക്കോ​ട്, ക​ണ്ണൂ​ർ, കാ​സ​ർ​കോ​ട്, മ​ല​പ്പു​റം ജി​ല്ല​ക​ളി​ലാ​ണ് കൂ​ടു​ത​ൽ തെ​ങ്ങു​കൃ​ഷി​യു​ള്ള​ത്. അ​വി​ടെ​യെ​ല്ലാം ഉ​ത്പാ​ദ​നം കു​റ​യു​ക​യു​മാ​ണ്.

പ​ണ്ടൊ​ക്കെ ര​ണ്ടു മാ​സം കൂ​ടു​മ്പോ​ൾ തേ​ങ്ങ​യി​ട്ടി​രു​ന്ന സ്ഥാ​ന​ത്ത് ഇ​പ്പോ​ൾ മൂ​ന്ന് മാ​സ​ത്തി​ലൊ​രി​ക്ക​ലാ​യി. കേ​ര​ള​ത്തി​ൽ ക്ഷാ​മം നേ​രി​ട്ടാ​ൽ ത​മി​ഴ്നാ​ട്ടി​ൽ​നി​ന്ന് എ​ത്തി​ക്കു​ക​യാ​യി​രു​ന്നു പ​തി​വ്.

എ​ന്നാ​ൽ, ത​മി​ഴ്നാ​ട്ടി​ൽ നാ​ളി​കേ​രം വ്യാ​പ​ക​മാ​യി മൂ​ല്യ​വ​ർ​ധ​ന ഉ​ത്പ​ന്ന​ങ്ങ​ളാ​ക്കാ​ൻ തു​ട​ങ്ങി​യ​തോ​ടെ അ​വി​ടെ​നി​ന്നും കി​ട്ടാ​താ​യി. സം​സ്ഥാ​ന​ത്ത് മൂ​ന്ന് ല​ക്ഷ​ത്തി​ല​ധി​കം പേ​ർ തെ​ങ്ങു​മാ​യി ബ​ന്ധ​പ്പെ​ട്ട മേ​ഖ​ല​യി​ൽ ജോ​ലി ചെ​യ്തി​രു​ന്നു.

കേ​ന്ദ്രം എ​ണ്ണ ഇ​ന​ങ്ങ​ളു​ടെ ഇ​റ​ക്കു​മ​തി തീ​രു​വ ഉ​യ​ർ​ത്തി​യ​ത് കേ​ര ക​ർ​ഷ​ക​ർ​ക്കു നേ​ട്ട​മാ​യി. എ​ന്നാ​ൽ, ഇ​തി​ന്‍റെ നേ​ട്ടം ക​ർ​ണാ​ട​ക, ത​മി​ഴ്നാ​ട് ക​ർ​ഷ​ക​ർ കൊ​ണ്ടു​പോ​യെ​ന്നു മാ​ത്രം. നി​ല​വി​ൽ കേ​ര​ള​ത്തെ പി​ന്നി​ലാ​ക്കി രാ​ജ്യ​ത്ത് ഒ​ന്നാം സ്ഥാ​നം ക​ർ​ണാ​ട​ക നേ​ടി.

രാ​ജ്യ​ത്തെ മൊ​ത്തം തേ​ങ്ങാ ഉ​ത്പാ​ദ​ന​ത്തി​ൽ 28.5 ശ​ത​മാ​ന​മാ​ണ് ക​ർ​ണാ​ട​ക​ത്തി​ന്‍റെ സം​ഭാ​വ​ന. 2016 മു​ത​ൽ ഈ ​നേ​ട്ടം തു​ട​ർ​ച്ച​യാ​യി ക​ർ​ണാ​ട​ക​ത്തി​നാ​ണ്. നാ​ളി​കേ​ര ഉ​ത്പാ​ദ​ന​ത്തി​ൽ 726 കോ​ടി​യു​മാ​യി ക​ർ​ണാ​ട​ക ഒ​ന്നാം സ്ഥാ​ന​ത്തെ​ത്തി​യ​പ്പോ​ൾ 578 കോ​ടി​യു​മാ​യി ത​മി​ഴ്നാ​ട് ര​ണ്ടാം സ്ഥാ​ന​ത്തു​ണ്ട്.

564 കോ​ടി​യു​മാ​യി കേ​ര​ളം മൂ​ന്നാം സ്ഥാ​ന​ത്തും. ഉ​ണ്ട കൊ​പ്ര ഉ​ത്പാ​ദ​ന​ത്തി​ലും ക​ർ​ണാ​ട​ക കേ​ര​ള​ത്തെ പി​ന്ത​ള്ളി. ക​ർ​ണാ​ട​ക, ത​മി​ഴ്നാ​ട് സം​സ്ഥാ​ന​ങ്ങ​ൾ ഉ​ത്പാ​ദ​ന​ത്തി​ൽ ഓ​രോ വ​ർ​ഷം ക​ഴി​യു​ന്തോ​റും വ​ലി​യ കു​തി​പ്പാ​ണു ന​ട​ത്തു​ന്ന​ത്.

ത​മി​ഴ്നാ​ട് ത​രി​ശ് സ്ഥ​ല​ങ്ങ​ളി​ൽ കൃ​ഷി വ്യാ​പി​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ നാ​ളി​കേ​ര കൃ​ഷി​ക്കു വ​ലി​യ പ്രാ​ധാ​ന്യം ന​ൽ​കു​ന്നു. പ​ല​വി​ധ​ത്തി​ലു​ള്ള കൃ​ഷി സ​ഹാ​യ പ​ദ്ധ​തി​ക​ളും ത​മി​ഴ്നാ​ട് ന​ട​പ്പി​ലാ​ക്കു​ന്നു​ണ്ട്.

തെ​ങ്ങി​ൽ​നി​ന്നും തേ​ങ്ങ​യി​ൽ​നി​ന്നു​മു​ള്ള മൂ​ല്യ​വ​ർ​ധ​ക ഉ​ത്പ​ന്ന​ങ്ങ​ൾ നി​ർ​മി​ക്കാ​ൻ സ​ർ​ക്കാ​ർ വ​ലി​യ പി​ന്തു​ണ​യാ​ണു ന​ൽ​കു​ന്ന​ത്. റേ​ഷ​ൻ ക​ട​ക​ളി​ലൂ​ടെ വെ​ളി​ച്ചെ​ണ്ണ വി​ത​ര​ണം ചെ​യ്യാ​നു​ള്ള നീ​ക്ക​ത്തി​ലാ​ണു ത​മി​ഴ്നാ​ട്.

ത​മി​ഴ്നാ​ട്ടി​ൽ കോ​യ​മ്പ​ത്തൂ​ർ ജി​ല്ല​യാ​ണു തേ​ങ്ങ ഉ​ത്പാ​ദ​ന​ത്തി​ൽ ഒ​ന്നാ​മ​ത്. കേ​ര​ള​ത്തി​ലേ​ക്ക് തേ​ങ്ങ വ​രു​ന്ന​തേ​റെ​യും പൊ​ള്ളാ​ച്ചി​യി​ൽ നി​ന്നാ​ണ്. നാ​മ​ക്ക​ൽ. ദി​ണ്ഡി​ഗ​ൽ, തേ​നി, മ​ധു​ര എ​ന്നി​വി​ട​ങ്ങ​ളി​ലും തെ​ങ്ങ് കൃ​ഷി കാ​ര്യ​മാ​യു​ണ്ട്.

കേ​ര​ള​ത്തി​ൽ അ​ഞ്ചു​വ​ർ​ഷം കൊ​ണ്ട് 300 കോ​ടി​ക്ക് അ​ടു​ത്താ​ണ് ഉ​ത്പാ​ദ​ന​ത്തി​ലു​ണ്ടാ​യ കു​റ​വ്. കൃ​ഷി സ്ഥ​ല​ത്തി​ന്‍റെ അ​ള​വി​ലും കു​റ​വു വ​രു​ന്നു​ണ്ട്. 2000ൽ 9.25 ​ല​ക്ഷം ഹെ​ക്ട​റി​ൽ കേ​ര​ള​ത്തി​ൽ നാ​ളി​കേ​ര കൃ​ഷി​യു​ണ്ടാ​യി​രു​ന്ന​ത് 7.59 ല​ക്ഷം ഹെ​ക്ട​റി​ലേ​ക്കു ചു​രു​ങ്ങി.

2017ൽ 8.07 ​ഹെ​ക്ട​റി​ലാ​യി​രു​ന്നു തെ​ങ്ങു കൃ​ഷി. ആ​റു വ​ർ​ഷം കൊ​ണ്ട് 48,000 ഹെ​ക്ട​റി​ൽ തെ​ങ്ങ് ഇ​ല്ലാ​താ​യി. ഒ​രു ഹെ​ക്ട​ർ തെ​ങ്ങി​ൻ തോ​ട്ട​ത്തി​ൽ നി​ന്ന് 8118 തേ​ങ്ങ എ​ന്ന​താ​ണ് കേ​ര​ള​ത്തി​ന്‍റെ ശ​രാ​ശ​രി വാ​ർ​ഷി​ക ഉ​ത്പാ​ദ​ന നി​ര​ക്കെ​ങ്കി​ൽ ത​മി​ഴ്നാ​ട്ടി​ൽ അ​ത് 11,537 ആ​ണ്.

ക​ർ​ണാ​ട​ക​യി​ൽ ഒ​രു ഹെ​ക്ട​റി​ൽ നി​ന്ന് 6968 നാ​ളി​കേ​രം ഉ​ൽ​പാ​ദി​പ്പി​ക്കു​ന്നു​ണ്ട്. ഉ​ത്പാ​ദ​ന ക്ഷ​മ​ത​യു​ടെ കാ​ര്യ​ത്തി​ൽ ആ​ന്ധ്രാ​പ്ര​ദേ​ശും കേ​ര​ള​ത്തെ ക​ട​ത്തി​വെ​ട്ടി. ഹെ​ക്ട​റി​ന് 9514 നാ​ളി​കേ​രം. ആ​ന്ധ്രാ​പ്ര​ദേ​ശ്, ഒ​ഡി​ഷ, പ​ശ്ചി​മ ബം​ഗാ​ൾ, മ​ഹാ​രാ​ഷ്ട്ര, ഗു​ജ​റാ​ത്ത്, ഗോ​വ എ​ന്നീ സം​സ്ഥാ​ന​ങ്ങ​ളും തെ​ങ്ങു​കൃ​ഷി​യി​ൽ മു​ന്നേ​റു​ക​യാ​ണ്.

ബം​ഗാ​ളി​ക​ൾ അ​വി​ടെ​നി​ന്ന് കേ​ര​ള​ത്തി​ലെ​ത്തു​ന്പോ​ൾ തെ​ങ്ങ് കേ​ര​ള​ത്തി​ൽ​നി​ന്ന് ബം​ഗാ​ളി​ലേ​ക്ക് കു​ടി​യേ​റു​ന്നു എ​ന്ന​താ​ണ് ശ​രി. ഒ​രു ഹെ​ക്ട​റി​ൽ 12,852 നാ​ളി​കേ​ര​മാ​ണ് ബം​ഗാ​ളി​ലെ ഉ​ത്പാ​ദ​ന​ക്ഷ​മ​ത. ആ​ഭ്യ​ന്ത​ര വി​പ​ണി​യി​ൽ മാ​ത്ര​മ​ല്ല, വി​ദേ​ശ​ത്തും നാ​ളി​കേ​ര ഉ​ത്പ​ന്ന​ങ്ങ​ൾ​ക്ക് ഡി​മാ​ൻ​ഡ് വ​ർ​ധി​ക്കു​ക​യാ​ണ്.

വെ​ർ​ജി​ൻ വെ​ളി​ച്ചെ​ണ്ണ, വെ​ളി​ച്ചെ​ണ്ണ, കൊ​പ്ര, കൊ​ട്ട​ത്തേ​ങ്ങ, പ​ച്ച​ത്തേ​ങ്ങ, ക​രി, സോ​പ്പു​ക​ൾ, ഹെ​യ​ർ ക്രീം, ​ക​രി​ക്കി​ൻ വെ​ള്ളം, തേ​ങ്ങാ​വെ​ള്ളം,തേ​ങ്ങാ​പ്പീ​ര, തേ​ങ്ങാ​പ്പാ​ൽ, ചി​ര​ട്ട​കൊ​ണ്ട് ഐ​സ്ക്രീം ക​പ്പ് തു​ട​ങ്ങി​യ ഉ​ത്പ​ന്ന​ങ്ങ​ളാ​ണ് ഏ​റ്റ​വു​മ​ധി​കം ക​യ​റ്റു​മ​തി ചെ​യ്യു​ന്ന​ത്.

യു​എ​ഇ, മ്യാ​ൻ​മ​ർ, ശ്രീ​ല​ങ്ക, സൗ​ദി, ഒ​മാ​ൻ, അ​മേ​രി​ക്ക, ഖ​ത്ത​ർ, കു​വൈ​റ്റ്, പാ​ക്കി​സ്ഥാ​ൻ, ബ്രി​ട്ട​ൻ, ബ​ഹ്റൈ​ൻ, നെ​ത​ർ​ല​ൻ​ഡ്സ് തു​ട​ങ്ങി​യ രാ​ജ്യ​ങ്ങ​ളാ​ണ് ഇ​ന്ത്യ​യി​ൽ നി​ന്ന് വെ​ളി​ച്ചെ​ണ്ണ ഇ​റ​ക്കു​മ​തി ചെ​യ്യു​ന്ന​ത്.

ഇ​ന്ത്യ നാ​ളി​കേ​ര ഉ​ത്പ​ന്ന​ങ്ങ​ളു​ടെ ക​യ​റ്റു​മ​തി​യി​ലൂ​ടെ 3236 കോ​ടി രൂ​പ ക​ഴി​ഞ്ഞ വ​ർ​ഷം നേ​ടി​യെ​ങ്കി​ലും ഇ​തി​ന്‍റെ 63.78 ശ​ത​മാ​ന​വും ഉ​ത്തേ​ജി​ത ക​രി അ​ഥ​വാ ആ​ക്ടി​വേ​റ്റ​ഡ് കാ​ർ​ബ​ണി​ൽ​നി​ന്നാ​ണ്. 13.25 ശ​ത​മാ​നം മാ​ത്ര​മാ​ണ് വെ​ളി​ച്ചെ​ണ്ണ​യു​ടെ വി​ഹി​തം.

തേ​ങ്ങാ​പ്പീ​ര -4.91, ഉ​ണ​ക്ക തേ​ങ്ങ -3.1, ചി​ര​ട്ട​ക്ക​രി -2.34, കൊ​പ്ര -4.29 എ​ന്നി​ങ്ങ​നെ പോ​കു​ന്നു മ​റ്റ് ഉ​ത്പ​ന്ന​ങ്ങ​ളു​ടെ വി​ഹി​തം. ചി​ര​ട്ട ഒ​ഴി​കെ ഉ​ത്പ​ന്ന​ങ്ങ​ളു​ടെ ഉ​ത്പാ​ദ​ന​ത്തി​ലും ക​യ​റ്റു​മ​തി​യി​ലും ഇ​ന്ത്യ ഏ​റെ പി​ന്നി​ലാ​ണ്.

2050 ആ​കു​മ്പോ​ഴേ​ക്കും 45,000 മി​ല്യ​ണ്‍ തേ​ങ്ങ ആ​വ​ശ്യ​മാ​യി വ​രു​മെ​ന്നാ​ണ് ക​ണ​ക്കാ​ക്കു​ന്ന​ത്.